‏اَسلام لیبل والی اشاعتیں دکھا رہا ہے۔ سبھی اشاعتیں دکھائیں
‏اَسلام لیبل والی اشاعتیں دکھا رہا ہے۔ سبھی اشاعتیں دکھائیں

ہفتہ، 18 مئی، 2013

قرآن پاک سے.....۔

·        پھر ان پر حملہ کروں گا ان کے آگے سے بھی اور ان کے پیچھے سے بھی، ان کی دائیں جانب سے بھی اور ان کی بائیں جانب سے بھی،اور آپ ان میں سے اکثر کو شکر گزار نہ پائیں گے
·        اللہ تعالٰی نے فرمایا کہ یہاں سے ذلیل و خوار ہو کر نکل جا، جو شخص ان میں سے تیرا کہا  مانے گا

ہفتہ، 6 اپریل، 2013

تحفہ

السلام  و علیکم!
آج میں آپ لوگوں کے لئے ایک تحفہ لایا ہوں۔ اگر آپ بھی میری طرح روز ایس ایم ایس پر آنے والی احادیث اور قرآنی آیات کی تصدیق  نہ کر سکنے کی وجہ سے پریشان ہیں یا پھر  کسی بھی شعبے کے متعلق احادیث یا قرآنی آیات  اکٹھی کرنے میں دشواری محسوس کرتے ہیں تو یہ تحفہ خاص آپ ہی کے لئے ہے۔
اس تحفے کا نام ہے "ایزی قرآن و حدیث"۔ یہ ایک سافٹ وئیر ہے جس میں مکمل قرآن مجید  مختلف اردو اور انگلش تراجم کے ساتھ، مختلف  حضرات کی تفاسیر اور کتبِ احادیث (صحاحِ ستّہ اور دوسری)  اردو ترجمے کے ساتھ ڈال دی گئی ہیں۔ اس کی بدولت نہ صرف آپ قرآن پاک کو مختلف تراجم کے  ساتھ پڑھ سکتے ہیں بلکہ آپ اپنی مطلوبہ قرآنی آیت یا حدیث آسانی سے تلاش کر سکتے ہیں ۔ تلاش کی سہولت اردو اور عربی زبان دونوں میں موجود ہے۔ اس کے علاوہ  اس سافٹ وئیر میں

جمعہ، 20 جولائی، 2012

آمدِ رمضان!

آمدِ رمضان!

السلام و علیکم! سعودی عرب میں آج پہلا روزہ ہے اور شاید کل یہاں بھی ہو۔ اب جبکہ میں یہ مراسلہ لکھ رہا ہوں آسمانوں پر اللہ کی رحمتیں اس ارضِپاک پر چھا جانے کے لئے تیار بیٹھی ہوں گی اور بس چاند نکلنے کا انتظار کر رہی ہوں گی۔ شیاطین کو پکڑنے اور جکڑنے والے فرشتے بھی پاکستان میں روئتِ ہلال کے منتظر ہوں گے۔  رمضان کی اہمیت اور فضیلت کے بارے میں تو بہت کچھ لکھا جا چُکا ہے اور ہم میں سے اکثر بہت کچھ جانتے بھی ہیں۔
مگر جاننا ہی سب کچھ نہیں ہوتا۔ یہ باتیں،یہ احکامات اور یہ فضیلتِ رمضان محض جاننے کے لئے نہیں۔ خدا کی رحمت چاروں طرف سے ہمیں اپنی لپیٹ میں لینے والی ہے۔ یہ مہینہ اسلامی قواعد پر عمل پیرا ہونے کے لئے ایک لیبارٹری کی حیثیت رکھتا ہے کہ اس مرتبہ یہ گرمیوں کی چھٹیوں میں آیا ہے اور اکثر لوگ  اپنی مصروفیات سے فارغ ہیں۔ بس کچھ چیزوں کا ہم سب کو خیال رکھنا چاہیئے۔ پہلے تو اس مہینے میں قرآن کو سمجھ کر پڑھنا کہ طوطے کی طرح پڑھنے سے ثواب تو شاید مل جائے مگر وہ مقصد فوت ہو جاتا ہے جس کے لئے یہ نازل ہوا تھا۔ دوسرا  جب بھی دن کو روزے کی حالت میں پیاس لگے اور گلے میں کانٹے پڑنے لگیں تو یاد کرنا حضرت حسین﷜ کی پیاس کو۔۔۔۔۔ اور سوچنا وہ پیاس کیوں جھیلی گئی تھی؟  دل کو افطار کے دلاسے دینے کے بجائے محسوس کرنا ان غریبوں اور بے بسوں کی  بھوک کو جو تنگ دست ہیں پر غیرت کی وجہ سے دست  پھیلا نہیں سکتے! سوچنا تمہارا رب کتنا عظیم ہے کہ اُس نے تم کو ان سب سے بچائے رکھا مگر جن پر یہ تنگدستی ہے ان کی مدد کس کے ذمے ہے؟   ذرا یہ بھی سوچنا کہ رمضان 2 ہجری میں جب روزے فرض ہوئے تو غزوہء بدر بھی ہوا تھا! جہاد ہوا تھا! روزہ بھی تو جہاد باالنفس کا سبق ہی دیتا ہے۔۔ اور ہاں شیطان تو جکڑ لئے جائیں گے مگر برائی پھر بھی رہے گی! دامن بچا کے رکھنا۔ جن نکاموں سے خدا نے منع کیا ان سے رک جانا کیونکہ وہ تو ہمیں متقی بنانا چاہتا ہے ورنہ اسے ہماری بھوک اور پیاس سے کیا فائدہ؟ یہ بھی سوچنا کہ روزہ صرف اللہ کے لئے ہے اور اس کا اجر وہ بذاتِ خود دے گا۔
اور آخر میں تم سب کو میری طرف سے اللہ کے اس مہینے کو پانے کی سعادت  حاصل کرنے پر مبارک باد کہ کئی ہیں جو پچھلی مرتبہ ہمارے ساتھ تھے مگر اب ان کے عمل کی مہلت ختم ہو چکی۔

منگل، 17 جولائی، 2012

صیام کا مہینہ


      صیام کا مہینہ                                  

                                          

                                         آیا ہے مومنو! پھر صیام کا مہینہ
                                         مہینوں کی ہے جو مالا میں سنہرا آبگینہ
     قرآن کی ہے صدا دوڑو ایمان والو                            جنت کے در کھلے ہیں تم بھی نفع کما لو
     رحمٰن نے شیطان کو جو قید کر دیا ہے                        گناہوں کے ہر سبب کو نا پید کر دیا ہے
                                          بردوشِ موجِ رحمت امّت کا ہے سفینہ
                                           آیا ہے مومنو! پھر صیّا م کا مہینہ
     روزے کو ڈھال سمجھو تو زباں کو باز رکھو                   دل کو بُرے خیالوں ، سوچوں سے پاک رکھو
     آنکھوں کو منکرات سے بچانا بھی ہے ضروری             کانوں کی ممنوعہ آوازوں سے رکھنا دوری
                                          کہیں کھو نہ جائے  صالح اعمال کا خزینہ
                                            آیا ہے مومنو! پھر صیّا م کا مہینہ
     بازارِ زندگانی میں نفس نے تجھ کو لُوٹا                         بچھایا یوں راستے میں دنیا نے دام جھوٹا
     خالق سے رابطہ پھر اس طور تیرا ٹوٹا                          دامن نبیﷺکا تیرے ہاتھوں سے ایسا چھوٹا
                                            بے سود وہ مشقت، بے اجر وہ پسینہ
                                            آیا ہے مومنو! پھر صیّا م کا مہینہ


                                                                                                         (امِ سعد)

اتوار، 1 جولائی، 2012

کچھ خبر برما کی۔۔۔

کچھ خبر برما کی۔۔۔
برما (میانمر) میں 3 جون سے بے گناہ و مظلوم مسلمانوں کا بدترین قتلِ عام جاری ہے۔ لاکھوں مسلمان جو برما بنگلہ دیش کی سرحد ساحلی دلدلی علاقوں میں جانوروں بلکہ لیڑے مکوڑوں سے بدتر زندگی گزار رہے ہیں، کا اچانک قتلِ عام شرو ع کر دیا گیا ہے۔ واقعہ کچھ یوں ہوا کہ ایک بودھ لڑکی نے اسلام قبول کر لیا تھا جسے بقدھوں نے غصے میں آ کر پہلے قتل کیا اور پھر اس کا الزام مسلمانوں پر عائد کیا کہ انہوں نے اغوا کر کے اجتماعی عصمت دری کا نشانہ بنایا اور پھر قتل کیا۔ یہ واقعہ 28 مئی کو پیش آیا۔3 جون کو بودھوں نے ایک بس روک لیاور پھر اس میں سوار تبلیغی جماعت کے 10 ارکان کو اُتار کر قتل کر دیا۔ ساتھ ہی کئی ایک کے سر اور چہرے مونڈ کر مشہور کر دیا کہ مسلمانوں نے بودھ رہنما کو شاگردوں سمیت قتل کیا ہے۔بس پھر کیا تھا، ہر طرف سے بودھ مسلمانوں پر حملہ آور ہو گئے۔ انہوں نے بے بس و بے کس مسلمانوں کا مار مار کر کچومر نکال دیا۔10 جون کو جب دنیا تک خبر پہنچی تو افواج کے ساتھ کرفیو نافذ کر کے معمولی میڈیا کو بھی علاقہ بدر کر دیا گیا۔ یوں اب فوج ، پولیس اور بدھ مل کر مسلمانوں کو قتل کر رہے ہیں۔ ہزاروں بستیاں جلا دی گئی ہیں۔لاکھوں مسلمان جو معمولی جھونپڑیوں میں رہتے تھے وہ بھی خاکستر کر دی گئی ہیں۔ہزاروں مسلمان جانیں بچانے کے لئے بنگلہ دیش کی طرف بھاگےتو انہیں بنگلہ دیشی افواج اور بحریہ نے واپس دھکیل دیا۔ واپس پہنچے تو وہ بھی قتل ہو گئے۔ مقامی حکومت نے پہلے ہی مسلمانوں سے ثہریت چھین رکھی ہے۔ مسلمان تعلیم حاصل نہیں کر سکتے ،علاج معالجہ نہیں کرا سکتے، سفر نہیں کر سکتےدوسرے گاؤں تک نہیں جا سکتے ، جو پندرہ سال سے بڑا ہو ، اسے فوج اُٹھا کر خرکار کیمپ میں لے جا کر جبراََ مزدوری کرواتی ہے۔برما انہیں بنگالی جبکہ بنگلہ دیش انہیں برمی قرار دیتا ہے۔ یوں وہ دونوں طرف سے مار کھا رہے ہیں۔ ساری دنیا ان مظلوموں کا خاموشی سے تماشا دیکھ رہی ہے۔کوئی ان کا غمگسار نہیں۔ 57 مسلم ممالک میں سے کبھی کسی نے زُبان سے اِن کیلیے کوئی لفظ نہیں نکالا، کبھی کسی انسانی حقوق کی تنظیم نے اِن کی کوئی بات نہیں کی۔اب اقوامِ متحدہ نے امداد کی اپیل کی ہے تو اس میں کہا گیا ہے کہ مالمانوں اور بودھوں کی باہم لڑائی میں بے گھر ہونے والوں کوامداد کی ضرورت ہےجن کی امداد 90 ہزار سے زیادہ ہے، اس سے تاثر دیا جا رہا ہے کہ یہاں جیسے برابر کی لڑائی جاری ہے۔ واضح رہے کہ برما میں بودھوں کی آبادی 89٪ ہے جبکہ مسلمانوں کی صرف 4٪۔
اس صورتحال پر یاد آیا کہ پاکستاں میں ایک عیسائی خاتون آسیہ نے توہینِ رسالت کی ، اسے عدالت سے سزائے موت ہوئی تو سارا یورپ امریکہ میدان میں آگیا۔پوپ جان پال تک متحرک ہوا، بیان دیا پھر پاکستان میں بہت بڑی تحریک چلی، گورنر پنجا ب سمیت کتنے لوگ قتل ہوئے اور قضیہ نہیں تھما۔
پاکستانی ہندوؤں کے قبولِ اسلام کی جھوٹی بات پر بھارت کی پارلیمنٹ میں ہنگامہ ہوا۔آخر کیوں....؟ دنیا میں مسلمان ہی وہ واحد مخلوق ہیں کہ جن کے مارے جانے پر ہر طرف قبرستان جیسی خاموشی دیکھنے کو ملتی ہے....مسلمانوں کی کیفیت تو ان برائلر مر غیوں جیسی ہو چکی ہےکہ جو ڈربے میں سے باری باری نکلتی،ذبح ہوتی ہیں۔ ایک دوسرے کو دیکھتی ہیں لیکن بولتی کوئی بھی نہیں۔ نہ ہی کبھی قصاب کے ہاتھ پر چونچ مارتی ہیں۔ اگر سارے مسلمان ہونہی خاموش رہیں گےتو لازماََ ان مرغیوں کی طرح ذبح ہوتے رہیں گے۔
  ابتدائی وقت میں  ظلم  و بربریت کی کچھ تصاویر سامنے آئی ہیں جو آپ یہاں سے دیکھ سکتے ہیں۔

                                                   ہفت روزہ جرّار سے ماخوذ

ہفتہ، 30 جون، 2012

جب میں ریاض الجنہ میں بیٹھا تھا...

 

جب میں ریاض الجنہ میں بیٹھا تھا...

..وزیرِاعظم گیلانی جب یہاں شہزادہ نائف بن عبدالعزیز کے جنازے میں شرکت کر کےمدینہ منورہ پہنچا تو حضور کے روضہ مبارک سے باہر نکل رہا تھا، تو پاکستانیوں نے چور چور کے آوازے کسے۔ جب واپس گیا تو وزیرِاعظم نہ رہا۔
مجھے سمجھ نہیں آتی کہ یہ حکمران میرے حضور ﷺکی مسجد میں آتے ہیں اور اِن پر کوئی اثر نہیں ہوتا۔اثر کیسے ہو  کہ یہ لوگ میرے حضورﷺ کو جانتے ہی نہیں...لوگو! پہچان تب ہو جب حضور ﷺکی حدیث پڑھیں۔ میرے سامنے حضور ﷺکی حدیث ہےبیان کرنے والے حضرت عبداللہ بن عباسؓ ہیں، حضور ﷺکی مسجد میں...میں یہ حدیث پڑھ رہا ہوں اور سوچ رہا ہوں کہ حضورﷺ کے چچا کا بیٹا کس قدر عظیم تھا کہ وہ اپنے باپ حضرت عباس ؓکے بارے میں بلا کم و کاست وہ سب کچھ بیان کر دیتے ہیں جو اُن کے سامنے ہوا تھا۔ وہ اپنے باپ کی کوئی پروا نہیں کرتے۔ اللہ اللہ.....یہ ہے محدث صحابی کی امانت اور دیانت! قربان جاؤں اس علمی دیانت اور امانت پر...آئیے! اب حدیث ملاحظہ کیجئے!اقتدارملے ، اختیار مل جائے تو رشتہ داروں کو نوازنے والو، اقربا پروری کی بھینٹ چڑھ جانے والو....آؤ! میں تمہیں اپنے حضورﷺ کا اندازِحکمرانی بتاؤں۔
  حضرت عبداللہ بن عباسؓ کہتے ہیں بدر کے میدان میں  میرے والد جناب عباس قیدی بن گئے۔ جب کعب نے قیدی بنایا، اللہ کے رسولﷺ نے پوچھا  اے ابو یسر....!تم نے اِن کو کیسے قیدی بنایا، کہنے لگے اِن کو قیدی بنایا تو میری مدد ایک ایسے آدمی نے کی جسے نہ تو میں نے پہلے دیکھا تھا نہ اب وہ موجود ہے۔ اس کا حلیہ اس اور اس طرح کا تھا، حضور ﷺنے فرمایا نظر کہاں آئے وہ تو فرشتہ تھا جس نے تمہاری مدد کی تھی۔
  ہاں ہاں یہی مدینہ شہر ہے ، مسجدِنبوی ہےاور حضورﷺ اپنے چچا جان حضرت عباسؓ کی جانب متوجہ ہو رہے ہیں،پوچھتے ہیں، اے عباس!قارئین میں سوچ رہا ہوں، میرے حضور ﷺنے چچا جان نہیں کہا، اس لئے نہیں کہا کہ عدل میں جھول نہ آ جائے، صدقے قربان شاہِ مدینہ پر، اپنے چچا کا نام لے کر  مخاطب کرتے ہیں اور فرماتے ہیں اپنا بھی فدیہ ادا کرو، اپنے بھتیجے عقیل کا بھی فدیہ دو، نوفل کی ادائیگی بھی کرو اور عتبہ جو تمہارا حلیف ہے اس کے پیسے بھی ادا کرو، حضرت عبداللہ بن عباس بتلاتے ہیں کہ ان کے والد حضرت  عباسؓ نے انکار کر دیا، کہنے لگے میں تو بہت پہلے کا مسلمان ہو چکا ہوں مجھے تو قریش نے مکہ میں اپنے ساتھ زبردستی روک رکھا تھا۔ قارئین اب غور کریں میرے حضور ﷺکیا فرماتے ہیں، فرمایا: آپ نے جو بہت پہلے مسلمان ہونے کا دعوٰی کیا وہ اگر سچا ہے تو اس کا معاملہ اللہ کے ساتھ ہےاس کا بدلہ بھی اللہ ہی دے گا، ہم تو ظاہری حالت کو دیکھ کر فیصلہ کرنے کے ذمہ دار ہیں، اس لئے فیصلہ یہ ہے کہ باقی کا نہ سہی تو کم از کم اپنی جان کا فدیہ تو ادا کرو۔ یہ تو ادا کرنا پڑے گا۔
اب  حضور ﷺنے جو فدیہ لیا وہ بیس اوقیا سونا تھا، حضرت عباسؓ نے یہ فدیہ دیا اور ساتھ درخواست کی کہ آپ مہرا فدیہ سونا الگ رکھ لیں، حضور ﷺنے صاف انکار کر دیا اور فرمایا یہ تو اللہ نے ہمیں آپ سے دلوایا ہے.....قارئین غور کریں میرے حضورﷺ نے یہاں "ہم" کا لفظ ارشاد کیا ہے یعنی جو مجاہدین ہیں، وہ انصار اور مہاجرین ہیں جو میرے ساتھ بدر کے میدان میں لڑے ہیں، ہم سب کو یہ مال اللہ نے دلوایا ہے۔
 قارئین اللہ کی قسم میرے پیارے حضور ﷺنے قدم قدم پر اقرباء پروری کو جڑ سے اُکھاڑ کر رکھ دیا، پھر کیوں نہ ہم کروڑوں اربوں درود پڑھیں اپنے حضورﷺ پر۔ اللہ جانتا ہے یہ الفاظ پڑھتے ہوئے اپنے حضور پر بے اختیار درود و سلام زبان پر آیا، آنکھوں میں آنسو تھےاور نظر روضہء رسول ﷺپر تھی اور بیٹھا ریاض الجنہ میں تھا، لوگو آگے سُنیے حضرت عبداللہ بن عباسؓ مزید بتلاتے ہیں : میرے والد کہنے لگے "اے اللہ کے رسول! میرے پاس تو کچھ بھی مال و دولت باقی نہیں رہا، میرے حضورنے جواب دیا جب تُم مکہ سے نکل رہے تھے(ہم سے لڑائی لڑنے کو نکل رہے تھے) اس وقت (اپنی اہلیہ میری چچی) فضل کی والدہ....!کو جو مال دیا تھا اور اسے کہا تھا کہ میں اگر جنگ میں مارا گیا تو اتنا فضل کا ہے، اتنے پیسے قثم کے ہیں اور اتنا مال عبداللہ کا ہے۔ یہ سُنتے ہی حضرت  عباس کہنے لگے اس ذات کی قسم جس نے آپ کو حق کے ساتھ بھیجا، میرے اور میری بیوی کے علاوہ کسی شخص کو بھی اس کا کچھ پتہ نہ تھا، پتہ تو خوب چل گیا ہے کہ آپ اللہ کے رسول ہیں۔۔۔۔۔۔(یہ ساری خبر اللہ نے بتلائی ہے)
قارئینِ کرام میں روتا ہوا اب اُٹھ بیٹھا ہوں قاری محمد  یعقوب  شیخ صاحب بھی مدینہ منورہ میں ہیں، میری اہلیہ محترمہ بھی حرمِ نبوی کے صحن میں میری منتظر ہے.... ایک عرب مدنی کے ہاں کھانے کی دعوت ہے اس لئے نکل رہا ہوں ، مدینے کی گلیوں اور بازاروں میں محو ِ سفر ہوں اور متواتر دل یہ کہے جا رہا ہے مولا.....میرے پاکستان میں اب بہت اندھیرا مچ گیاکوئی ایک ایسا حکمران عطا فرما جو حضور کے نعلین مبارک کے نشانات پر چلنے والا ہو،تجھ سے ڈرنے والا ہو،چیف جسٹس نے اپنے بیٹے کو بھی طلب کر لیا، ایسی بہاریں اب حقیقی معنوں میں دکھا، آنکھیں ترس گئیں ٹھنڈک عطا فرما ۔ آمین یا رب العالمین!

           ہفت روزہ جرّار سے ماخوذ۔    مصنف: امیر حمزہ