دیوانِ غالب سے انتخاب

• مہرباں ہو کے بُلا لو مجھے ،چاہو جس وقت

                                                     میں گیا وقت نہیں ہوں کہ پھر آ بھی نہ سکوں

           ضعف میں طعنہء اغیار کا شکوہ کیا ہے

                                                        بات کچھ سر تو نہیں ہے کہ اُٹھا  بھی نہ سکوں

           زہر ملتا ہی نہیں مجھ کو ستم گر ورنہ

                                                      کیا قسم ہے تیرے ملنے کی کہ کھا بھی نہ سکوں

• شب کو کسی کے خواب میں آیا نہ ہو کہیں

                                                  دکھتے ہیں آج اس بت نازک بدن کے پاؤں

• ہے مجھ کو تجھ سے تذکرہء غیر کا گلہ

                                         ہر چند بر سبیلِ شکایت ہی کیوں نہ ہو

• عمر بھر کا  تو نے پیمانِ وفا باندھا تو کیا

                                عمر کو بھی تو نہیں ہے پائیداری ہائے ہائے